主页 > W生活卡 >《迫于无奈的留下? >

《迫于无奈的留下?


《原创文章 欢迎转载 请列明出处 谢谢》-请支持蓝狮 Facebook专页-《迫于无奈的留下? 按此观看图片 车路士官方宣布启动基奥特合约中既延长条款,意味着法国人将会喺史丹福桥再留多一个赛季,车迷对于哩个消息当然感到高兴,至少基奥特喺场上既作用仍然非常重要,不过球员一直都有表示希望能够到其他球队担当正选,如果来季球队对佢既前设条件依然无变的话,今次基奥特就真係迫于无奈咁留低。法国第一中锋,无人估到今时今日既基奥特对于法国国家队黎讲係咁重要,前场支点争顶做二传、同队友one two做配合、不惜体力冲击对手、不断窜扰牵制对方后卫,为既都係希望拉出更多空间比队友突破製造攻门机会,而喺依加众多既法国前锋当中暂时就只有基奥特一人能够做到,就连阿仙奴既当家射手拿卡锡迪都依然喺新一期国家队名单中落选,如果前者退出国家队,基本上整套战术体系都要重新规划,到时法国队难免需要经历一段阵痛期。但喺球会方面,基奥特一直都只係沙利手中既Plan B,自季中借用到希古恩过后「银河唯一」就只有喺四月中对白礼顿既联赛赛事中担任正选,而佢下半季唯一一个英超入球亦係喺哩场波所攻入,不过沙利都有将欧霸盃既九成时间都交由基奥特担正,亦令佢以十球暂登神射手榜首位,但係黎紧去到决赛面对阿仙奴,沙利会係继续源用基奥特还是希古恩就仍是未知之数。法国人亦喺季尾时间曾对外界表示,对于长时间喺英超赛事中担任后备示意不满,认为自己既身体状况仍然能够为球队提供更大效用,意味着欧霸盃正选席位并不能满足到佢,同时「银河唯一」亦有指唔介意因为要得到正选而到次一级既联赛队伍效力,只要得到稳定既上阵时间一切都皆有可能。今次延长合约虽然对球会同球迷黎讲都係好事,不过如果下季沙利仍然留队的话,唔该就真係用多啲基奥特,唔係话要你将佢场场都放正选,但每五场正选一次其实都唔算过份,望落状态亦真係唔觉得希古恩比基奥特好。沙利,求你别再执迷不悟吧!文章发表时间 : 22/5/2019 11:30文章最后更新时间 : 22/5/2019 11:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持


上一篇: 下一篇: